தமிழக வெற்றிக்கழகத்திற்கு தொடக்கம் முதலே பிரச்சினை தான்....

நடிகர் விஜய் அவர்கள் கடந்த 2 பிப்ரவரி 2024 அன்று , தனது அரசியல் கட்சியின் பெயரை அறிவித்தார். அன்றுமுதலே தொடங்கியது பல்வேறு பிரச்சனைகள், இவரது அரசியல் பிரவேசம் பல அரசியல்வாதிகளை கலகத்திற்குள்ளாகியுள்ளது என்பது உண்மையே.

சினிமா பிரபலங்கள்  மற்றும் பொது மக்களில் பலர் நடிகர் விஜயின் வருகை அரசியலில் மாற்றத்தை ஏற்படுத்தும் என நம்புகின்றனர். ஒரு சிலர் எதிர்மறையான கருத்துக்களையும் கூறிவருகின்றனர்.இந்நிலையில் கடந்த ஆகஸ்ட் 22ம் தேதி , தமிழக வெற்றிக்கழகத்தின் கொடியினை பனையூரில் உள்ள தனது கட்சி அலுவலகத்தில் கட்சி நிர்வாகிகள் மற்றும் பத்திரிகையாளர்கள் முன் அறிமுகப்படுத்தினார்.

மேற்பகுதி மற்றும் அடிப்பகுதி சிவப்பு நிறத்திலும் , நடுப்பகுதி மஞ்சள் நிறத்திலும், மையப்பகுதியில் வாகைமலர் அதனை சுற்றி 28 நட்சத்திரங்கள் , அதில் தனித்துவமிக்க 5 நட்சத்திரங்கள், இதன் இருபுறமும் போர் யானைகள் என கம்பீரமா இருந்தது த .வெ .க வின் வெற்றிக்கொடி.கொடியினை அறிமுகப்படுத்திய கணம் முதல் சமூக வலைத்தளங்களில் ட்ரெண்டிங்கில் உள்ளது. வழக்கம் போல் இதனையும் கேலி கிண்டல் செய்ய ஆரம்பித்துவிட்டனர் , எதிரி கட்சியினர்.  

இது ஒருபுறமிருக்க , மறுபுறம் பகுஜன் சமாஜ் கட்சியினர் தேர்தல் ஆணையத்தில் புகார் ஒன்றினை அளித்துள்ளனர்.அதில் கூறியிருப்பது

 " தங்களது கட்சி கொடியில் ஏற்கனவே யானை படம் இருக்கும் நிலையில், தமிழக வெற்றிக்கழக கொடியிலும் யானை இருப்பது சரியானது அல்ல , ஆகையால் அதனை அகற்ற வேண்டும் " என புகார் அளித்துள்ளனர்.

இது போன்ற பிரச்சனைகள் நடிகர் விஜய் அவர்களுக்கு ஒன்றும் புதிதல்ல, ஆரம்பம் முதலே பலதரப்பட்ட விமர்சனங்களை தாண்டியே இன்று இந்நிலையில் உள்ளார்.ஆகையால் இது போன்ற புகார்கள் விஜய் அவர்களை பெரிதும் பாதிக்கப்போவதில்லை.

காலமே கூறும் சரியான விடையினை ....